Dharma kya hai..?

                                         DHARMA KYA HAI?

NAMASTE🙏🙏.  Aaj 1 week bad kuch likh rahi hu. Umeed hai aap ko padhke acha lagega. Aaj jis topic par me likh rahi hu wo topic hai DHARMA. Actually me khud abhi is ko puri tarah se samaz ne ki koshish kar rahi hu . Mere khud k kayi sawal hai; jis k answers muze abhi tak nahi mile hai jaise Dharma kaha se aaya? kis ne banaya ? iski jarurat kya thi? and most common kya bhagwan such me hai? 

Bhagwan SHREE KRISHA ke anusar Dharma kya hai..? 

Kurukshetra ki yuddha bhumi pr Arjun ko samjhate waqt Bhagwan Krishna kahte hai; Dharma ye manav ke aatma k liye hai; us k sharir k liye nahi. Jivan ko prithvi par yugo yugo tak chalane k liye aatma ko saaf aur nirmal rakhna jaruri hai. Aur aisa tabhi sambhav hoga jb Insaan Dharma ko apnayga. Dharma  5 pillar se bana hai 1) Karuna 2) Gyaan 3) Dhairya 4) Prem 5) Samarpan{dedication} 6) Nyaay{justice} . Jo bhi manushya in sb ko apnayga wo Dharmik kahlayga.

Gautam Buddha Dharma k bare kya kahte hai...?

Buddha k anusar Dharma manushya ko Jivan jine ka tarika sikhata hai. Aap ko ek story sunati hu, Samrat Ashoka hum sb ko pata hai ; un k bare me itihasa me aisa likha hai ki Kalinga ke yuddha me unho ne lakho logo ko maar giraya wo  dekh kr unko mansik pareshani hone lagi; wo us waqt se ubhar nahi pa rahe the; us waqt psychiatrics to nahi honge to kai buddha bhikuu ne unko shanti se jivan jine k liye wapas prerna di, un k jivan me wapas khushiya lane ki khoshish ki. Jis k karan Ashoka ne krurta ki rah chod kr shantata k marg ka palan kiya aur wo Bharat ke ek mahan Samrat bane.

Upanishad aur Ved me Dharma ko duty kaha gaya hai. Iska matlab hai agar koi Raja hai to us k rajya ko protect krna aur apni praja ka khyal rakhna hi uska dharma hai . Jise RAJDHARM kaha gaya hai. Agar aap kisi k bete hai to apne mata pita ki seva krna hi aap ka dharm hai jise Matrudharm aur Pitrudharm kaha gaya hai.

ABHI SAWAL HAI PHIR AAJ JISE HUM DHARMA KAHTE HAI WO KYA HAI....?

Is ko analyse karenge to har koi apna opinion bana sakta hai. Mere pass jitna knowlege hai us k according me mera view likh rahi hu. Jaise jaise hamari sabhyata(civilization) aage badhne lagi waise kayi vichar dharaye prakat hui phir jin jin vyakti ko jo vichar pasand aaye unho ne wo vichar dharao ka prachar krna shuru kiya aur aise kr k alag alag groups ban gaye. Is liye aaj koi Hinduism ko follow krta hai , koi buddhism, shikhism, Islam etc. Par sabhi dharmo ka basic same hai jivan jine ka sahi tarika. Shayad isi liye hi INSANIYAT ko sab se bada dharam bola gaya hai. 

Aaj hamare dharma me alag alag bhagwan hai jaise Shiv ji, Ram bhagwan, Lord krisha, Buddha, Jaina, Allah aur bahoot sare. Aisa que..? Actually is duniya me sabse bada darpok koi hai to wo insaan hai. Is liye hum ne bhagwaan ko apne security ki responsibility de di. Jaise koi baccha bolta hai; he bhagwan exam me pass kar do nahi to ghar wale maarenge. Koi businessman bolega ; he bhagwan mere company k shares k rate badha do nahi to mera status down ho jayga. To hume aisa koi chahiye jo hamri sari bate sune; aur jis pr hm complete bharosa kr sake jo hame jine k liye sahi rasta dikha sake aur jis k sath hum haq k sath bat kr sake. 

Kya kabhi koi bhagwan se mil sakta hai...?

Mere according is duniya me koi to supreme power hai jo is juniya ki kai bate control kr raha hai. Ab wo Ram bhagwan hai ya krishna ya allah wo muze nahi pata but aap is supreme power ko mil sakte hai quki iska ek ansh aap k aatma me bhi rahta hai. Meditation aisa tool hai jo aap ko is supreme power se milayga . Is k bad aap k jivan me kai badlav aa sakte wo kaise..? 

Is ko hum hamare next blog me discuss karenge tab tk apna khyal rakhiye .